Instrumentu berriak sortzea

XIX. mende bukaeran eta XX. mendean, akustikan, aurkikuntza jakingarriak egin ziren biolinaren estalki libreen bibrazioari buruz; aurkikuntzok, zer esanik ez, oso baliagarriak izan dira gure lanerako, eta, horri esker, hobeki neurtzen dugu goi eta beheko estalkien afinazioa.

Era berean, antzinako bernizak laborategian aztertu izanari esker, gaur egun antzeko formulak erabiltzen ditugu.

Hori guztia dela eta, argi eta garbi esan dezakegu egungo lutheria, hau da, instrumentu modernoa, ia eskola zaharraren parekoa dela, eta emaitza on-onak lortzen direla.

Instrumentuak eskuz egiteko enkarguak urtebeteko denborarekin egiten dira, berniza eta instrumentua prest egoteko.